Nafn: Rannveig Karlsdóttir Útskriftarár: 2014 Lokaritgerð/-ir: Meistararitgerð mín í þjóðfræði hét „Að prjóna saman samfélag. Hlutverk og gildi handverks eftir bankahrunið 2018“. Eins og nafnið ber með sér reyndi ég að rýna í ástæður þess og merkingu að þjóðin virtist gripin hálfgerðu handverksæði í þó nokkurn tíma eftir bankahrunið 2008. Þar áður hafði ég skrifað B.Ed. ritgerð við Háskólann á Akureyri. Fyrsta starf eftir útskrift: Starf á bókasafni Verkmenntaskólans á Akureyri, ásamt kennslu í íslensku við sama skóla. Ég ætlaði að fá vinnu á bókasafninu til að forðast kennsluna enda starfað sem grunnskólakennari í nokkur ár og taldi nóg komið. En kennslan togaði fast enda ótrúlega skemmtilegt starf. Hvað ertu að gera núna? Nú sinni ég eingöngu kennslu við VMA, er m.a. að prófa mig áfram með kennslu í þjóðfræðiáfanga undir hatti íslenskunnar. Hver eru þín helstu áhugamál? Fyrst og fremst lestur en ég slæ ekki hendinni á móti góðu púsluspili. Einnig hef ég óþrjótandi áhuga á fólki og því sem það tekur sér fyrir hendur. Því les ég oft fræðibækur um það sem vekur áhuga minn hverju sinni og sæki jafnvel ráðstefnur, bara til að halda mér við í fræðunum og njóta þess að vita meira í dag en í gær. Mér finnst til dæmis alltaf jafnskemmtilegt að fylgjast með Eurovision og spá í keppnina með þjóðfræðigleraugun uppi. Ég hef líka gaman að því að lesa og skoða ýmislegt í tengslum við samfélagsmiðla og notkun (ungs) fólks á þeim. Þess á milli dett ég í sögulegt grúsk enda gegni ég stöðu ritara hjá Sögufélagi Eyfirðinga. Eiginlega má segja að ég sé áhugamanneskja um áhugamál. Hefurðu einhverja þjóðtrú sem þú brýtur aldrei gegn? Nei, en ég á þó til að banka í tré og segja 7-9-13 þegar ég er of yfirlýsingaglöð eða glannaleg í fullyrðingum um eitthvað sem framtíðin ber í skauti sér.
0 Comments
Þorrablót Félags þjóðfræðinga og Þjóðbrókar verður haldið föstudagskvöldið 14. febrúar 2020 í Akóges salnum að Lágmúla 4, á 3. hæð. Húsið opnar 18:00 og borðhald hefst 19:00. Það verður þorramatur, hátíðarmatur, víkivaki, gleði og skemmtun! Veisluþjónustan Soho mun sjá um veitingar og líkt og undanfarin ár verður þorramatur í forrétt. Í aðalrétt verður svo hunangs og salvíu og lime marineruð kalkúnabringa, kryddjurtamarinerað hægeldað lambalæri bérnaise og innbökuð hnetusteik Wellington fyrir grænkera. Í eftirrétt verður svo frönsk súkkulaði mousse terta með perum og vanillusósu. Á staðnum er enginn bar svo gestum er frjálst að hafa með sér eigin drykki. Miðaverð er 6500 kr. fyrir félaga í Þjóðbrók og Félagi þjóðfræðinga á Íslandi og 7500 kr. fyrir vini okkar utan félagana. Miðasalan hefst á þriðjudaginn 4. febrúar og verður hægt að kaupa miða í Háskóla Íslands á milli kl. 10-15 þriðjudag til föstudags. Einnig er hægt er að fylgjast með framgangi mála á Facebook. Takið daginn frá og við hlökkum til að sjá ykkur! Kallað er eftir erindum fyrir Landsbyggðarráðstefnuna 2020 sem haldin verður á Egilsstöðum 15.-17. maí. Yfirskrift og þema ráðstefnunnar eru Vegamót (nánari lýsing fyrir neðan). Áhugasamir eru beðnir að senda titil og stutt ágrip (200-300 orð) á netfangið felagthjodfraedinga@gmail.com fyrir 1. mars næstkomandi. Öllum er frjálst að senda inn erindi og endilega hafið samband ef eru einhverjar spurningar. Félag þjóðfræðinga á Íslandi og Minjasafn Austurlands standa að ráðstefnunni í samvinnu við fleiri aðila. Hlökkum til að sjá ykkur! Þema ráðstefnunnar Yfirskriftin Vegamót vísar til þess að á landsbyggðarráðstefnunni mætist fólk úr ólíkum áttum; fólk frá ólíkum landshornum, fólk úr ýmsum fræðigreinum, nemar á ýmsum stigum í námi, áhuga- og fræðafólk. Þar mætast líka ólík viðfangsefni, hugmyndir, aðferðir og nálganir, fortíð og nútíð og hinir ýmsu krókar og kimar mannlífsins. Vegamót standa líka fyrir hreyfanleika, ferðalög og breytingar. Þegar komið er að vegamótum er venjan að staldra við, horfa í kringum sig, kanna ólíka möguleika og jafnvel líta yfir farinn veg. Svo þarf að ákveða hvort breyta eigi um stefnu eða halda áfram á sömu leið. Yfirskriftin hefur svo einnig skemmtilega tilvísun til staðsetningar ráðstefnunnar á Egilsstöðum en þeir hafa í gegnum tíðina verið nefndir vegamót Austurlands.
Fimmtudaginn 5. desember ætlum við í Félagi þjóðfræðinga að skella okkur á Happy hour á Mímisbar á Hótel Sögu kl. 16:00 og fram eftir kvöldi! Þar er Happy hour á milli 16:00 og 18:00. Þetta er kjörið tækifæri til að hittast, spjalla saman og eiga notalega stund saman!
Sjáumst þar!
Fyrsta starf eftir útskrift?
Eftir útskrift hélt ég áfram að taka saman upplýsingar, greina þær og flokka en ekki á sviði þjóðfræði heldur bókhalds. Ég er viðurkenndur bókari og bókfærsla hefur verið mitt aðalstarf síðustu 13 árin en í hjartanu er ég alltaf þjóðfræðingur. Hvað ertu að gera núna? Fyrir utan það að ég og eiginmaður minn erum í fyrirtækjarekstri á sviði byggingariðnaðar og bókhalds þá er ég mitt í hringiðju þessa hrikalega spennandi verkefnis, að gera heimildarmynd um þrettándagleðina í Eyjum. En fljótlega eftir að ég skilaði inn ritgerðinni minni hafði Sighvatur Jónsson samband við mig og fékk mig í samstarf með sér og Geir Reynissyni að gera þessa mynd. Síðustu ár hafa svo farið í það að safna efni og nú er loksins komið að lokavinnslunni. Heimildarmyndagerð er nú engin gullnáma svo það hefur reynt á að fjármagna myndina en við erum með söfnun á Karolina Fund þessa dagana. Þar er hægt að styrkja verkefnið með ýmsum leiðum, eins og t.d. með kaupum á miðum á frumsýningu myndarinnar í Háskólabíói sem verður 27. des. Hver eru þín helstu áhugamál? Fljótlega eftir útskrift þá fór ég að stunda fjallgöngur. Það er ótrúlega nærandi fyrir sálina að standa einhver staðar í óbyggðum að anda að sér fersku lofti, sjá stórbrotið útsýni, mikilfenglega fossa eða fornar rústir og vita að þú eigir heitt kakó í bakpokanum. Í síðustu göngu skoðaði ég hin svokölluðu Tyrkjabyrgi á Reykjanesinu, í nágrenni við Grindavík. Það var stórmerkilegt að standa inn í þeim og reyna að ímynda sér tilurð þeirra. Hefurðu einhverja hjátrú sem þú brýtur aldrei gegn? Ég get aldrei sleppt því að banka þrisvar og segja „7 9 13“ til að koma í veg fyrir að einhver óskapnaður komi fyrir mig. Works every time 😉 *Innskot Félags þjóðfræðinga - Nánari upplýsingar og möguleikar á að styrkja heimildamynd Hrefnu er að finna hér: https://www.karolinafund.com/project/view/2652 Mánudaginn 11. nóvember kl.17:15 mun Prófessor Catharina Raudvere frá Háskólanum í Kaupmannahöfn sýna kvikmyndina Bosnian Muslim Women’s Rituals: Bulas Singing, Reciting and Teaching in Sarajevo í Odda 101 í Háskóla Íslands. Catharina mun segja frá myndinni í upphafi og einnig svara spurningum eftir sýningu hennar. Eftir sýninguna geta svo þau sem vilja fært sig yfir á Stúdentakjallarann og haldið spjallinu áfram.
Öll eru velkomin og við hlökkum til að sjá ykkur! Viðburðinn er haldinn af Félagi þjóðfræðinga á Íslandi, Mannfræðifélagi Íslands, Þjóðbrók og Homo. Hér má sjá nánari lýsingu á efni myndarinnar: Bosnian Muslim Women’s Rituals: Bulas Singing, Reciting and Teaching in Sarajevo An educational film by Professor Catharina Raudvere, Copenhagen, and Dr Zilka Spahić-Šiljak, Sarajevo. This film presents some Bosnian Muslim women’s commitments as ritual leaders and their vocal performances. Much of what you will see is specific for Sarajevo in terms of the style of singing, outfits and ways of socializing. These rituals have been performed in the city for centuries and belong to the Muslim history of South-Eastern Europe. Sufi rituals and ways of devotion have influenced how Islam has been practised in the region over the centuries. With formal or informal education, the bulas of Sarajevo have been in charge of the structure of mevlud and tevhid ceremonies for generations. Being familiar with the Quran and the literature that praises the Prophet, these women have the knowledge and authority to compose the framework of a gathering. Each mevlud and tevhid has its individual character where verses from the Quran, prayers, blessings and poems are to be chosen in interaction with the family or organizer, in accordance with the nature of the occasion. Today young bulas learn through participating when they receive ritual assignments from the experienced bulas. In this way they learn to relate to the Ottoman legacy of the mevlud tradition. By connecting that legacy with the lives of modern women, they make it relevant to the present time.
Fyrsta starf eftir útskrift?
Síðar sama ár, 2005, gaf ég út skáldsöguna Hrafninn sem gerist á Grænlandi á 15. öld. Þjóðfræðinámið kom sér þar mjög vel og sumir kúrsarnir nýttust beint inn í bókina þar sem ég dreg upp hugarheim inúíta og norrænna manna á miðöldum. Hvað ertu að gera núna? Ég er að skrifa mína tíundu bók, skáldsögu sem gerist í byrjun 10. aldar. Af og til held ég erindi, um tilurð bókanna og líka um ástvinamissi og sorg. Hver eru þín helstu áhugamál? Hvaðeina sem ég er að skrifa um þá stundina. Víkingaöldin er þar fyrirferðarmikil og hefur verið síðasta áratuginn. Þess utan þá er það garðyrkja og allt sem lýtur að gróðri jarðar. Ástæðan er sú að sl. vetur eignaðist ég sumarbústað, Urðarbrunn, sem stendur í litlum skógi í Bláskógabyggð, og það er dásamlegt og endurnærandi að vera þar úti í náttúrunni og með fingurna í moldinni. Og svo á ég núna litla ömmustelpu, Sylvíu, sem dýpkar lífið og gerir allt skemmtilegra. Hefurðu einhverja hjátrú sem þú brýtur aldrei gegn? Ég er forlagatrúar og held fast í ýmsa hjátrú en man í svipinn ekki eftir neinu banni. Hins vegar trúi ég statt og stöðugt á alls kyns tákn sem birta mér skilaboð úr yfirnáttúrunni um gæfu, hrafnar sem fljúga í sömu átt og ég, eða kveðjur frá dánum ástvinum, eins og regnboginn. Miðvikudaginn 16. október kl. 17:00 ætlar Félag þjóðfræðinga á Íslandi að fara í hópferð á listasýninguna Andspænis sem að þeir Þrándur Þórarinsson og Hugleikur Dagsson standa fyrir í Gallery Port. Sýningin er innblásin úr íslenskum þjóðsagnaarfi og eitthvað sem að enginn þjóðfræðingur má láta framhjá sér fara. Þrándur Þórarinsson mun hitta okkur á sýningunni og segja aðeins frá henni.
Í lýsingu á sýningunni segir: Í ANDSPÆNIS sækja þeir sína uppáhalds skúrka og skrímsli úr íslenskum þjóðsagnaarfi. Í hverju verki fyrir sig etja þeir saman goðsögnum. Þrándur túlkar það í málverki og Hugleikur í myndasögu. Hér er að finna bardaga eins og Skoffín andspænis Skuggabaldri, Bakkabræður andspænis Lagarfljótsormi og að sjálfsögðu Sæmund Fróða andspænis Kölska. Eftir að við höfum skoðað sýninguna getum við svo fengið okkur sæti á nálægum bar og haldið spjallinu áfram. Hlökkum til að sjá ykkur. Fimmtudaginn 3. október kl. 17:15 mun Björk Hólm segja frá MA rannsókn sinni í þjóðfræði sem ber yfirskriftina: „Ég vil helst ekki labba ein heim...“ Upplifun kvenna af öryggi í miðborg Reykjavíkur, áhrifaþættir og öryggisbrögð. Viðburðurinn verður haldinn í Háskóla Íslands, í Odda - stofu 206. Það eru allir velkomnir! Að erindinu loknu munum við svo færa okkur yfir á Stúdentakjallarann, spjalla saman og hafa gaman. Ágrip erindis:
Í fyrirlestrinum mun ég gera grein fyrir rannsókn og efni lokaverkefnis míns til MA gráðu í þjóðfræði. Líkt og titillinn gefur til kynna geri ég tilraun til að draga upp mynd af öryggistilfinningu kvenna, hverju hún tekur mið af og hvernig þær bregðast við henni. Niðurstöður rannsóknarinnar eru fjölþættar enda tilfinningar krefjandi og margslungið rannsóknarefni. Það var áberandi að heimildakonur álitu miðborgina ekki hættulegan stað í þeim skilningi en sammældust þó allar um að vissar kringumstæður á ákveðnum tíma geti skapað aðstæður sem valda óöryggi – þetta fjalla ég nánar um fyrirlestrinum. Öryggiskennd viðmælenda mótast þannig af víxlverkun ótal þátta í félagslegu og byggðu umhverfi, í bland við eigin reynslu og upplifanir. Birtuskilyrði, fólk og fólksfjöldi eru dæmi um áhrifaþætti sem fjallað er um en auk þess eru áhrif eftirlitsmyndavéla og samtímasagna tekin til greina. |
Félag þjóðfræðinga á ÍslandiHér má finna allskonar skemmtilegar fréttir um viðburði, þjóðfræðinga, þjóðfræði og hvað sem er. Ef ykkur langar að koma einhverju á framfæri má senda fréttatilkynningar á felagthjodfraedinga@gmail.com Færslur
November 2023
|